Xalq deputatlari Pastdarg‘om tumani Kengashining doimiy komissiyalari faoliyatini yanada jonlantirish, ish samaradorligini oshirish hamda biriktirilgan tashkilotlar bilan hamkorlikni kuchaytirish maqsadida Kengash kotibiyati mudiri hamda kotibiyat bosh mutaxassisi V. Ro‘ziyev Ijtimoiy soha, yoshlar siyosati, sport va madaniyat masalalari bo‘yicha doimiy komissiyaga biriktirilgan.
Komissiya faoliyati doirasida O‘zbekiston Respublikasi Vazirlar Mahkamasining 2017-yil 13-sentabrdagi 718-sonli qarori ijrosi yuzasidan deputat M.Pardayev tomonidan o‘rganish ishlari olib borildi.
O‘rganish davomida 23-son oilaviy poliklinikasi faoliyati, aholiga ko‘rsatilayotgan birlamchi tibbiy-sanitariya xizmatlari sifati, profilaktik ko‘riklarning tashkil etilishi hamda kasalliklarning oldini olish borasida amalga oshirilayotgan ishlar ko‘zdan kechirildi.
Shuningdek, tibbiy xizmatlarni yanada takomillashtirish, profilaktika tadbirlarining samaradorligini oshirish va aholiga sifatli tibbiy xizmat ko‘rsatish bo‘yicha mavjud holat tahlil qilindi.