Mahalliy Kengash sessiyasi: tashkil etish va o‘tkazish jarayoni

📝 Mahalliy Kengash sessiyasi — xalq deputatlari Kengashining asosiy ish shakli bo‘lib, unda hududni rivojlantirishga oid muhim masalalar ko‘rib chiqiladi va qarorlar qabul qilinadi.

📌 Mahalliy Kengash sessiyasini tashkil etish jarayoni quyidagicha amalga oshiriladi:

✅ Sessiyani chaqirish – Sessiya Kengash raisi tomonidan (zaruratga ko‘ra navbatdan tashqari sessiya ham) chaqiriladi.

✅ Kun tartibini shakllantirish – Ko‘rib chiqiladigan masalalar, mas'ul tashkilotlar va ma'ruzachilar belgilanadi.

✅ Materiallarni tayyorlash – Qaror loyihalari, ma'ruzalar, komissiyalar xulosalari va boshqa hujjatlar deputatlarga oldindan taqdim etiladi.

✅ Doimiy komissiyalarda muhokama – Sessiyaga kiritiladigan masalalar avval Kengashning doimiy komissiyalarida ko‘rib chiqiladi va tavsiyalar beriladi.

✅ Sessiyani o'tkazish – Deputatlar ma'ruzalarni tinglaydi, savol-javoblar o'tkaziladi, muhokamalar bo‘ladi va takliflar bildiriladi.

✅ Qaror qabul qilish – Masalalar deputatlar tomonidan ochiq yoki qonunchilikda belgilangan hollarda yashirin ovoz berish yo‘li bilan qabul qilinadi.

✅ Qarorlarni rasmiylashtirish va ijrosi – Qabul qilingan qarorlar rasmiylashtiriladi, e'lon qilinadi hamda ularning ijrosi ustidan nazorat o‘rnatiladi.

📎 Ushbu jarayonning huquqiy asosini, jumladan, O‘zbekiston Respublikasining "Mahalliy davlat hokimiyati to‘g‘risida"gi Qonuni hamda "Xalq deputatlari viloyat, tuman va shahar Kengashi Reglamenti to‘g‘risida"gi namunaviy hujjatlar tashkil etadi. Sessiyalar mahalliy davlat hokimiyati faoliyatining ochiqligi, shaffofligi va deputatlik nazoratini ta'minlashning muhim vositasi hisoblanadi.

⚡️ Bizni ijtimoiy tarmoqlarda kuzatib boring!