Baslanǵısh partiya shólkemi shólkemlestirilmekte

🌱 Ekologiya partiyasınıń baslanǵısh partiya shólkemin keńeytiw hám partiya qatarın bekkemlew maqsetinde Shımbay rayon toǵay xojalıǵında baslanǵısh partiya shólkemin shólkemlestiriw jumısları ámelge asırılmaqta.

Ilaj dawamında partiya wákili K.Sarıbaev sekretariat bas qaniygesi Sh.Ametov hám rayonlıq toǵay xojalıǵı xızmetkerleriniń qatnasıwında ushırasıw ótkerilip, Ózbekstan Ekologiyalıq partiyasınıń maqset hám wazıypaları, qorshaǵan ortalıqtı qorǵaw, tábiyǵıy resurslardan aqılǵa uǵras paydalanıw hám ekologiyalıq mádeniyattı arttırıw baǵdarında ámelge asırılıp atırǵan jumıslar haqqında maǵlıwmat berildi.

Sonday-aq, baslanǵısh partiya shólkeminiń jumısın jolǵa qoyıw, partiya qatarına jańa aǵzalardı tartıw, jámiechilik penen birge islesiwdi kúsheytiw hám ekologiyalıq baslamalardı qollap-quwatlaw máseleleri dodalandı.

Rayon toǵay xojalıǵında baslanǵısh partiya shólkeminiń shólkemlestiriliwi ekologiya tarawındaǵı reformalardı ámelge asırıw, ekologiyalıq úgit-násiyatlaw jumısların bunnan bılay da kúsheytiw hám xalıqtıń ekologiyalıq sanası menen mádeniyatın arttırıwǵa xızmet etetuǵını atap ótildi.