Xalq deputatlari Nurobod tumani Kengashi deputati N.Norqarayev tomonidan tumandagi 20-saylov okrugi hududida joylashgan 17-sonli davlat maktabgacha ta'lim tashkilotida O‘zbekiston Respublikasining 2019-yil 16-dekabrdagi "Maktabgacha ta'lim va tarbiya to‘g‘risida"gi O‘RQ-595-son Qonuni ijrosi yuzasidan o‘rganish ishlari olib borildi.

⚡️O‘rganish davomida muassasada maktabgacha ta'lim va tarbiya sifatini oshirish, tarbiyalanuvchilarning har tomonlama kamol topishi uchun yaratilgan shart-sharoitlar, ta'lim jarayonining davlat talablariga muvofiqligi, pedagog xodimlarning faoliyati, bolalarning sog‘lom va xavfsiz muhitda tarbiyalanishini ta'minlash borasida amalga oshirilayotgan ishlar atroflicha ko‘zdan kechirildi.

✍️Shuningdek, Qonunda belgilangan normalar asosida bolalarning sifatli maktabgacha ta'lim olish huquqini ta'minlash, zamonaviy ta'lim-tarbiya metodlarini qo‘llash, tarbiyalanuvchilarning intellektual, ma'naviy-axloqiy va jismoniy rivojlanishi uchun yaratilgan imkoniyatlar hamda ota-onalar bilan hamkorlik ishlari yuzasidan mas'ullar bilan muloqot qilindi.

➡️O‘rganish yakunida muassasa faoliyatini yanada takomillashtirish, qonun talablariga to‘liq rioya etish, ta'lim sifati va tarbiya samaradorligini oshirish, mavjud ijobiy tajribalarni keng joriy etish hamda aniqlangan ayrim masalalarni bartaraf etish yuzasidan tegishli tavsiya va takliflar bildirildi.