30-СОНЛИ МАКТАБГАЧА ТАЪЛИМ ТАШКИЛОТИДАГИ ШАРОИТЛАР ЎРГАНИЛДИ

Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда Халқ депутатлари Янгиқўрғон тумани Кенгаши депутати Сидиқов Дилшод Хасанбоевич томонидан сайлов округида жойлашган 30-сонли мактабгача таълим ташкилотида ўрганиш ишлари олиб борилди.

Ўрганиш жараёнида муассасада тарбияланувчилар учун яратилган шарт-шароитлар, таълим-тарбия жараёнининг ташкил этилиши, гуруҳ хоналарининг ҳолати, болаларнинг хавфсизлиги ва санитария-гигиена талабларига риоя этилишига алоҳида эътибор қаратилди.
Шунингдек, ошхона фаолияти, озиқ-овқат маҳсулотларининг сақланиш тартиби, болаларга берилаётган овқатланиш сифати, тозалик ва дезинфекция ишларининг йўлга қўйилганлиги кўздан кечирилди. Муассасада болаларнинг соғлом ўсиши, уларнинг мактабгача таълимга қамровини таъминлаш ҳамда сифатли тарбия олиши учун зарур шароитларни янада яхшилаш масалалари муҳокама қилинди.

МТТ масъуллари билан суҳбат давомида мавжуд муаммолар, таъмирталаб жиҳатлар, моддий-техник базани мустаҳкамлаш, болалар учун қулай ва хавфсиз муҳит яратиш борасида амалга оширилиши лозим бўлган вазифалар ҳақида фикр алмашилди.
Ўрганиш якунида аниқланган камчилик ва эҳтиёжлар юзасидан тегишли тавсиялар берилди. Мавжуд масалаларни босқичма-босқич ҳал этиш, мутасадди ташкилотлар билан ҳамкорликда амалий чоралар кўриш ҳамда муассасадаги шароитларни янада яхшилаш бўйича таклифлар ишлаб чиқилиши белгиланди.
Таъкидландики, мактабгача таълим ташкилотларида болалар учун соғлом, хавфсиз ва қулай муҳит яратиш, таълим-тарбия сифатини ошириш ҳамда муассасалар фаолиятини доимий ўрганиб бориш депутатлик назоратининг муҳим йўналишларидан бири ҳисобланади.