#24_ta_masala

Xalq deputatlari Samarqand viloyati Kengashi deputatlari Z.Yusupova va S.Norboyeva hamda tuman Kengashi deputati N.Ochilovalar tomonidan Payariq shahri markazidagi ko‘p qavatli uy-joylarga xizmat ko‘rsatuvchi boshqaruv kompaniyalari faoliyati, ko‘p qavatli uylarning ichki yo‘laklari (podezdlari), yerto‘lalari va atrofi sanitariya holati hamda aholi murojaatlari o‘rganildi.

O‘rganish davomida hududlarda obodonlashtirish va tozalik ishlarining holati, kommunal xizmatlar sifati, ko‘p qavatli uylarni saqlash va ulardan foydalanish bo‘yicha amalga oshirilayotgan ishlar tahlil qilindi. Shuningdek, aholi bilan muloqot o‘tkazilib, ularni qiynab kelayotgan muammolar va takliflar tinglandi.

Aniqlangan kamchiliklarni bartaraf etish, xizmatlar sifatini yanada yaxshilash hamda aholi murojaatlariga tezkor yechim topish yuzasidan amaliy choralar ko'rildi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|