Xalıq deputatları Qaraózek rayonlıq Keńesi baslıǵı G.Yusupova hám 14-Berdaq saylaw okruginen deputat (Adolat SDP) S.Sayımovalar Mádeniyat awıl puqaralar jıyınında máhálle wákilleri menen ushırasıw ótkerdi. 

Ushırasıwda jergilikli Keńes, aymaqtan deputatlardıń máhálle wákilleri menen birge islesiw jumısların elede kúsheyttiriw hám puqaralar tárepinen kelip túsip atırılǵan múrajatlar talıqlandı. Aymaqta sheshimin kútip turǵan qatar máseleler boyınsha pikir alısılıp, birgeliktegi wazıypalar belgilendi.

Deputatlar hám máhálle wákilleri aymaqta úy aldı qıytaq jerinen nátiyjeli paydalanıp kiyatırǵan úlgili shańaraq - Genjemurat Turdımuratovtıń tamarqa jerinde erte báhárden ámelge asırıp atırǵan jumısları menen tanıstı. 

Bunnan soń aymaqta ózin-ózi bánt etip sharwashılıq, qusshılıq hám óz tamarqasınan mol dáramat alıp shańaraǵına qosımsha dáramat keltirip atırǵan shańaraqlardı aymaqtaǵı puqaralarǵa úlgi qılıw hám tájiriybelerin en jaydırıw baǵdarında ámelge asırılıw tiyis wazıypalar belgilendi.