Termiz davlat muhandislik va agrotexnologiyalar universiteti huzuridagi Jamoatchilik kengashining yig‘ilishi bo‘lib o‘tdi.

Mazkur Kengash universitet faoliyatining ochiqligi va shaffofligini ta’minlash, korrupsiyaga qarshi kurashishda jamoatchilik nazoratini kuchaytirish, jamoatchilik fikrini tizimli tahlil qilish hamda sog‘lom va samarali ishchanlik muhitini rivojlantirish maqsadida tashkil etilgan.

Jamoatchilik kengashi tarkibi davlat va jamoat tashkilotlari, ta’lim muassasalari hamda ommaviy axborot vositalari vakillaridan shakllantirilgan bo‘lib, uning faoliyatida xolislik, ochiqlik va jamoatchilik manfaatlarining ustuvorligi asosiy tamoyil sifatida belgilangan.

Ushbu yig‘ilishda xalq deputatlari Termiz shahar Kengashi raisi D.Normuradova ishtirok etib, Jamoatchilik kengashining a’zosi etib qabul qilindi.

Shuningdek, yig‘ilishda Kengash nizomi tasdiqlandi hamda uning faoliyat yo‘nalishlari, ish tartibi, maqsad va vazifalari yuzasidan taqdimotlar orqali batafsil ma’lumot berildi.