Бугунги кунда коррупция бутун дунё учун жиддий муаммога айланди. Ушбу иллат жамиятнинг барча соҳаларига таъсир кўрсатиб, иқтисодиёт, ҳуқуқ тизими ва фуқароларнинг ҳаётига салбий таъсир ўтказмоқда. Шунинг учун, барча давлатлар, шу жумладан, Ўзбекистон ҳам коррупциянинг барча кўринишларига қарши муросасиз курашмоқда.

1 апрелдан бошлаб, Ўзбекистон “Адолат” СДП томонидан “Коррупцияга қарши курашиш ойлиги” ташкил этилмоқда. Бу тадбир жамият ривожига тўсиқ бўлган коррупцияга қарши қатъий ва изчил кураш бошланганини кўрсатади. Ойлик доирасида Тошкент вилоятининг барча шаҳар ва туманларида “Коррупцияга қарши жамоавий кураш – адолат кафолати” мавзусида давра суҳбатлари ўтказилмоқда.

Бугун Нурафшон шаҳридаги "Дўстлик ва нодавлат нотижорат ташкилотлари уйи" да ушбу мавзуда давра суҳбати ташкил этилди. Тадбирда "Адолат" СДП Тошкент вилояти Кенгаши раиси ўринбосари Умид Файзуллаев, маҳаллий депутатлар, ҳуқуқ тартибот органлари ходимлари ва шаҳарнинг "Ёшлик" ҳамда "Нурафшон" маҳалла фуқаролари иштирок этди.

Slide 1 of 6