O‘zbekiston Respublikasi Mudofaa vazirligi Toifalangan obyektlarni qo‘riqlash qo‘shinlari qo‘mondonligi tasarrufidagi Toshkent shahrida joylashgan harbiy qism Madaniyat markazida 21-oktabr — O‘zbek tiliga davlat tili maqomi berilgan kun munosabati bilan “Tilni asra, millatni asra, kelajagimizni asra” mavzusida tadbir tashkil etildi.

Tadbir 15-sonli “Beshchinor” saylov okrugi deputati, O‘zbekiston Yozuvchilar uyushmasi a’zosi Mutalov Omonulla Nigmatullayevich hamda O‘zbekistonda xizmat ko‘rsatgan madaniyat xodimi, shoira Zulfiya Mo‘minova ishtirok etib, o‘zbek tilining jamiyat hayotidagi o‘rni, milliy qadriyatlarimizni asrab-avaylash va ona tilimizning nufuzini yuksaltirish borasida fikr-mulohazalarini bildirdilar.

Muloqot davomida tilga ehtirom ko‘rsatish, uning boy imkoniyatlaridan to‘g‘ri foydalanish hamda yosh avlod qalbida milliy g‘urur va ma’naviy mas’uliyat tuyg‘ularini shakllantirish muhimligi ta’kidlandi.