FARMATSEVTIKA SOHASIDAGI QONUNCHILIK IJROSI YUZASIDAN RASMIY SO‘ROV YUBORILDI

🏛 Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan 2026-yil 20-oktabr kuni tuman Sog‘liqni saqlash bo‘limi boshlig‘i I. Xusenovga 99-kx-487-26-sonli rasmiy xat yuborildi.

➕ Rasmiy xatda O‘zbekiston Respublikasi Vazirlar Mahkamasining 2017-yil 6-apreldagi 185-sonli qarori ijrosi yuzasidan tumanda amalga oshirilgan ishlar haqida ma’lumot taqdim etish so‘ralgan.

🌐 Jumladan, quyidagi masalalar bo‘yicha ma’lumotlar talab etildi:
✅ Tumanda faoliyat yuritayotgan dorixonalar va farmatsevtika subyektlari faoliyati;
✅ Litsenziya va ruxsat beruvchi hujjatlarning mavjudligi;
✅ Dori vositalari va tibbiy buyumlarning kelib chiqishi, saqlash sharoitlari hamda yaroqlilik muddatlariga rioya etilishi;
✅ Sifatsiz, qalbakilashtirilgan va yaroqlilik muddati o‘tgan dori vositalari muomalasining oldini olish choralari;
✅ Narxlar, iste’molchilarga xizmat ko‘rsatish talablari va aniqlangan qonunbuzilishlar yuzasidan ko‘rilgan choralar.

🗓 So‘ralgan ma’lumotlarni 2026-yil 2-noyabrga qadar Kengashga yozma shaklda taqdim etish belgilangan.

🤩 Mazkur ishlar farmatsevtika sohasida qonunchilik talablariga rioya etilishi holatini o‘rganish, mavjud muammolarni aniqlash va ularni bartaraf etish bo‘yicha takliflar ishlab chiqishga qaratilgan.