“QIZILSOY” MAHALLASIDA YANGI MAKTAB QURILISHI MASALASI — DEPUTATLIK NAZORATIDA
🟢 “Mahallani rivojlantirish va jamiyatni yuksaltirish” yilida ta’lim sohasidagi dolzarb masalalarni o‘rganish, aholi ehtiyojlarini inobatga olish va hududlarda ta’lim olish uchun munosib sharoitlar yaratish muhim vazifalardan biridir.
🇺🇿 Xalq deputatlari Parkent tuman Kengashiga 21-“Nevich” saylov okrugidan saylangan deputat Yoqubova Xusnora Abduxamidovna o‘zi saylangan hududdagi “Qizilsoy” mahallasida mahalla yettiligi hamda tegishli mutasaddilar bilan hamkorlikda yangi umumta’lim maktabi qurilishi rejalashtirilgan joyni o‘rgandi. Jarayonda tuman maktabgacha va maktab ta’limi bo‘limi boshlig‘i J. Yusupov ham ishtirok etdi.
📚 Mahalla fuqarolari va faollaridan kelib tushgan takliflarda o‘quvchi yoshlar qariyb 5 kilometr uzoqlikdagi maktabga qatnab ta’lim olayotgani, shu bois mahalla hududida yangi umumta’lim maktabiga ehtiyoj mavjudligi ta’kidlangan. Mahalla yettiligi tomonidan berilgan ma’lumotga ko‘ra, hududda 680 nafar maktab yoshidagi o‘quvchi istiqomat qiladi. Bu esa bolalarning ta’lim olishi uchun qulay sharoit yaratish masalasining dolzarbligini ko‘rsatadi.
🟢 Bugungi kunga kelib, tuman hokimining tashabbusi bilan mazkur maktab qurilishi uchun yer ajratish va uni rasmiylashtirish ishlari olib borilgan. O‘rganish davomida mas’ullar ishtirokida maktab qurilishi rejalashtirilgan hudud ko‘zdan kechirildi.
🟢 Deputatlik nazorati doirasida mahalla aholisining taklif va ehtiyojlarini o‘rganish, yangi maktab qurilishi bilan bog‘liq ishlarning borishi hamda mazkur masalaning keyingi bosqichlarini muhokama qilishga e’tibor qaratildi. Ushbu masala okrug deputati tomonidan nazoratga olindi.
🟢 Yangi maktab qurilishi “Qizilsoy” mahallasidagi o‘quvchilarning ta’lim olish imkoniyatlarini yaxshilash, uzoq masofaga qatnash bilan bog‘liq qiyinchiliklarni kamaytirish hamda yosh avlod uchun munosib ta’lim sharoitlarini yaratishda muhim qadam bo‘ladi.
➡️ Xalq deputatlari Parkent tuman Kengashi deputatlari tomonidan aholi murojaatlari va takliflarini o‘rganish, ta’lim sohasidagi dolzarb masalalarni mas’ul tashkilotlar bilan hamkorlikda muhokama qilish hamda ularning yechimi yuzasidan deputatlik nazoratini amalga oshirish ishlari davom ettiriladi.
📖 Ta’lim uchun yaratilgan sharoit — kelajak uchun mustahkam poydevor!