MAKTABGACHA TA’LIM TASHKILOTIDAGI MUAMMO O‘RGANILDI

Xalq deputatlari Oqoltin tuman Kengashi deputati E.Babayev tomonidan Saxovat mahallasi hududida joylashgan 1-sonli davlat maktabgacha ta’lim tashkilotida bolalar uchun yaratilgan shart-sharoitlar o‘rganildi.

O‘rganish davomida binodagi suv nasoslari nosoz holatga kelgani aniqlandi. Mazkur holat kundalik faoliyatda noqulayliklar keltirib chiqarayotgani, ayniqsa, kuz-qish mavsumida isitish tizimining ishlashiga salbiy ta’sir ko‘rsatib, binoni isitishda muammolar yuzaga kelishi mumkinligi qayd etildi.

Aniqlangan muammoni bartaraf etish, suv nasoslarini ta’mirlash hamda kuz-qish mavsumida tarbiyalanuvchilar uchun munosib shart-sharoitlarni ta’minlash yuzasidan tegishli choralar ko‘rish masalasi belgilandi. Mazkur masala deputat tomonidan nazoratga olindi.