Xalq deputatlari tuman Kengashi deputati G.Soliyeva Fazogir mahallasida joylashgan Dehqonobod oilaviy shifokorlik punktida bo‘lib, muassasaning aholiga tibbiy xizmat ko‘rsatish holatini o‘rgandi. Tashrif davomida deputat tibbiyot muassasasining faoliyati, aholiga yaratilayotgan sharoitlar hamda tibbiy xizmatlar sifati bilan tanishdi. Shuningdek, tibbiyot xodimlari bilan uchrashib, ularning faoliyati, ish jarayonida duch kelayotgan muammolari va mavjud masalalar yuzasidan suhbat o‘tkazdi. Uchrashuvda aholiga sifatli va o‘z vaqtida tibbiy xizmat ko‘rsatish, birlamchi tibbiy-sanitariya yordamini yanada takomillashtirish, fuqarolar salomatligini muhofaza qilish hamda tibbiyot xodimlari uchun munosib mehnat sharoitlarini ta’minlash masalalariga e’tibor qaratildi. Deputatlik nazorati doirasida aholi murojaatlarini o‘rganish, tibbiyot sohasidagi mavjud masalalarni aniqlash va ularning yechimi bo‘yicha tegishli takliflarni ilgari surish ishlari davom ettiriladi.