Xalq deputatlari Bag‘dod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda Kengash raisi D.Karimova, doimiy komissiya a’zolari hamda ekspert guruhi a’zolari ishtirok etdilar.

Kun tartibidagi masala yuzasidan O‘zbekiston Respublikasining “Bolalarni zo‘ravonlikning barcha shakllaridan himoya qilish to‘g‘risida”gi Qonuni ijrosi doimiy komissiya tomonidan o‘rganish natijalari hamda tuman “Inson” ijtimoiy xizmatlar markazi tomonidan ushbu yo‘nalishda amalga oshirilayotgan ishlar muhokama qilindi.

Muhokamalar davomida bolalarni zo‘ravonlikning barcha shakllaridan himoya qilish, ularning huquqlari va qonuniy manfaatlarini ta’minlash, tazyiq va zo‘ravonlik holatlarining oldini olish, shuningdek, ijtimoiy himoyaga muhtoj bolalar bilan manzilli ishlash masalalariga alohida e’tibor qaratildi.

Shuningdek, doimiy komissiya tomonidan o‘rganish davomida aniqlangan holatlar yuzasidan fikr-mulohazalar bildirilib, mavjud muammolarni bartaraf etish hamda qonun ijrosini samarali ta’minlash bo‘yicha takliflar muhokama qilindi.

Yig‘ilish yakunida bolalar manfaatlarini himoya qilish borasidagi ishlar samaradorligini oshirish, mas’ul tashkilotlar hamkorligini kuchaytirish va belgilangan vazifalar ijrosi ustidan deputatlik nazoratini olib borish yuzasidan tegishli vazifalar yuklandi.