“Zehn Kids” o‘quv markazi ochildi
#Kunlik_ish_reja
#deputat_faoliyati

Angor tumanining Yangiobod mahallasida faoliyat yuritayotgan “Zehn” oilaviy korxonasi negizidagi “Zehn Kids” o‘quv markazining ochilish marosimi bo‘lib o‘tdi.Tadbirda Xalq deputatlari Angor tumani Kengashi 9-Ulug‘bek saylov okrugi deputati Sultonova O‘g‘iloy ham ishtirok etdi.

Ayni paytda markazda 70 nafar o‘quvchi ta’lim olmoqda va 6 ta ish o‘rni yaratilgan. Bu yerda matematika, rus tili, ingliz tili, uy vazifalarini tayyorlash hamda boshlang‘ich ta’lim yo‘nalishlarida mashg‘ulotlar tashkil etilgan. Kelgusida abituriyentlar uchun biologiya va kimyo fanlari bo‘yicha kurslarni yo‘lga qo‘yish rejalashtirilgan.

Tadbir davomida markaz tomonidan tashkil etilgan tanlovlarda g‘olib bo‘lgan o‘quvchilarga sovg‘alar topshirildi.