#ÓzXDP_35_JÍL

📌 Partiya veteranlarına itibar hám húrmet kórsetildi.

Ózbekstan Xalıq demokratiyalıq partiyası dúzilgeniniń 35 jıllıǵı múnásibeti menen Xalıq deputatları Nókis rayonlıq Keńesi sekretariatı baslıǵı Sh.Qalmuratov hám rayonlıq Keńes deputatı, Ózbekstan XDP Nókis rayonlıq Keńesi baslıǵı R.Saparniyazovlar tárepinen "Eslew - itibar hám húrmet úlgisi" atamasında shańaraqlarǵa kiriw akciyası shólkemlestirildi.

Akciya sheńberinde kóp jıllar dawamında partiya qatarında jemisli hám pidayı miynet etken partiya veteranları X.Elmuratov hám M.Qoyshıbaevlardıń shańaraqlarında bolıp, olardıń halınan xabar alındı.

Ilaj dawamında veteranlar menen qızǵın sáwbet ótkerilip, olardıń partiya jumısındaǵı kóp jıllıq miyneti, jámiyetlik jumıslardaǵı qatnası hám partiyanıń rawajlanıwına qosqan úlesi atap ótildi.

Veteranlar menen sóylesiw procesinde partiyanıń basıp ótken 35 jıllıq tariyxıy jolı haqqında pikir alısıldı.