#poytaxtdeputatlari #deputatlik_faoliyati

❗️“AHMAD DONISH” MAHALLASIDA “UCh AVLOD UCHRASHUVI” O‘TKAZILDI

🏛 Xalq deputatlari Toshkent shahar Kengashi raisi, senator Rustamxon Kalanov boshchiligida Yunusobod tumanidagi 273-sonli umumta’lim maktabida “Avlodlar vorisligi — yurt taraqqiyoti poydevori” mavzusida “Uch avlod uchrashuvi” tashkil etildi. Tadbirda Respublika “Nuroniy” jamg‘armasi raisi o‘rinbosari Sharofiddin Usmonov, xalq deputatlari Yunusobod tumani Kengashi deputatlari Abrorxo‘ja Saidaliyev va Iqbolxon Ashrapova, nuroniylar hamda yoshlar ishtirok etdi.

📋 Uchrashuvdan ko‘zlangan asosiy maqsad avlodlar o‘rtasidagi vorislilikni mustahkamlash, nuroniylarning boy hayotiy tajribasini yoshlarga yetkazish, ularni ilm-ma’rifatga intilish, Vatanga sadoqat va yuksak mas’uliyat ruhida tarbiyalashdan iborat bo‘ldi.

🔺 Samimiy muloqot davomida faxriy mehmonlar o‘zlarining ibratli hayot yo‘li, mehnat faoliyati va erishgan yutuqlari haqida so‘zlab, yoshlarga qimmatli tavsiya va maslahatlarini berdilar.

🎓 Shuningdek, Italiyaning nufuzli universitetlaridan birida magistratura bosqichida tahsil olayotgan S. Ismatullayev o‘zining muvaffaqiyat sari bosib o‘tgan yo‘li, xorijda ta’lim olish tajribasi va oldiga qo‘ygan maqsadlari haqida so‘zlab berdi. U yoshlarga yaratilayotgan imkoniyatlardan samarali foydalanish, xorijiy tillarni o‘rganish hamda bilim va izlanishdan to‘xtamaslik zarurligini ta’kidladi.

📉 Tadbir doirasida mahalladagi yoshlar bilan ishlash samaradorligi, ularning bandligini ta’minlash, ta’lim va sportga keng jalb etish, bo‘sh vaqtini mazmunli tashkil etish hamda iqtidorli yoshlarning tashabbuslarini qo‘llab-quvvatlash masalalariga ham alohida e’tibor qaratildi.

🗣 Savol-javoblarga boy tarzda o‘tgan uchrashuvda yoshlar o‘zlarini qiziqtirgan masalalar yuzasidan fikr almashib, nuroniylarning hayotiy tajribasi va zamonaviy bilimlarni uyg‘unlashtirish yuzasidan zarur tavsiyalar oldilar.

✅ Mazkur uchrashuv keksa avlodning boy tajribasi, o‘rta avlodning bunyodkorlik salohiyati hamda yoshlarning shijoatini birlashtirib, navqiron avlod qalbida ilmga intilish, Vatanga muhabbat va yurt taraqqiyotiga daxldorlik tuyg‘ularini yanada mustahkamlashga xizmat qildi.

📱 Telegram 📱 Instagram 📱 Facebook 📱 YouTube 🔎 E-kengash