Xalq deputatlari Chilonzor tumani Kengashining navbatdagi 24-sessiyasida Chilonzor tumanida elektr energiyasi ta’minoti barqarorligini ta’minlash, sohaga energiya tejovchi texnologiyalarni joriy etish chora-tadbirlari hamda Chilonzor tumani elektr ta’minoti korxonasi rahbarining 6 oylik faoliyati yakunlari to‘g‘risidagi masala ko‘rib chiqildi.
❓ Savol:
Xalq deputatlari Chilonzor tumani Kengashi raisi B.Abdullayeva tomonidan Chilonzor tumani elektr ta’minoti bosh muhandisi Xusanov Baxriddin Eshboltaevichga bugungi kunda elektr energiyasidan samarali va oqilona foydalanish, energiya sarfini kamaytirish hamda ta’minot barqarorligini oshirish maqsadida energiya tejovchi texnologiyalardan foydalanish holati, xususan, ko‘p energiya iste’mol qiluvchi korxonalarda energiya tejamkor yangi texnika va uskunalarni joriy etish bo‘yicha qanday ishlar amalga oshirilayotgani yuzasidan savol berildi.
🎙 Javob:
Xusanov Baxriddin Eshboltaevich: Ko‘p energiya iste’mol qiluvchi korxonalarda yangi uskunalarni o‘rnatish, energiya tejamkorligi yuqori bo‘lgan yangi texnika va texnologiyalarga bosqichma-bosqich almashtirish orqali energiya samaradorligini oshirish ishlari amalga oshirilmoqda.
Mazkur yo‘nalishdagi ishlar elektr energiyasidan samarali va oqilona foydalanish, energiya sarfini kamaytirish hamda elektr ta’minoti barqarorligini oshirishga qaratilgan.