Xalq deputatlari Oltinsoy tuman Kengashining 10-“Yangiqurilish” saylov okrugidan saylangan deputat Mustafaqulov Murodilla Bohodirovich tomonidan hududdagi elektr ta’minoti infratuzilmasini yaxshilash yuzasidan mas’ul tashkilotga deputatlik so‘rovi yuborilgan edi.

Ushbu so‘rovnomada ko‘chada joylashgan yaroqsiz holatga kelib qolgan eski tayanch ustunini yangi beton ustunga almashtirish masalasi ilgari surilgan.

Yuborilgan deputatlik so‘rovi tegishli soha mas’ullari tomonidan qisqa fursatda o‘rganib chiqildi. Maxsus texnika va mutaxassislar jalb etilgan holda, eski tayanch ustuni demontaj qilinib, o‘rniga yangi va mustahkam beton ustun o‘rnatildi.

Bajarilgan amaliy ishlar natijasida ushbu hududda elektr energiyasi ta’minotining xavfsizligi va barqarorligi oshirilib, aholining murojaati ijobiy yechim topdi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz