Xalq deputatlari Yangiobod tuman Kengashi deputati H. Qudratov tomonidan Do‘stlik MFY hududidagi 8-sonli umumta’lim maktabida nogironligi bo‘lgan o‘quvchilar uchun yaratilgan sharoitlar o‘rganildi.

O‘rganish davomida maktabda inklyuziv ta’limni tashkil etish uchun maxsus jihozlangan korreksion xona tashkil etilgani va xona zarur jihozlar bilan to‘liq ta’minlangani qayd etildi.

Shuningdek, inklyuziv ta’limni sifatli tashkil etish maqsadida o‘quvchilar uchun zarur sharoitlar yaratilgan hamda 2 nafar mutaxassis-pedagog ta’lim jarayoniga jalb etilgan.

Bunday amaliy ishlar alohida ta’lim ehtiyojlari bo‘lgan bolalarning ta’lim olish imkoniyatlarini kengaytirish, ularning jamiyatga faol integratsiyalashuvi va ta’lim jarayonida teng imkoniyatlardan foydalanishini ta’minlashga xizmat qiladi.