O‘zbekiston Respublikasi Prezidentining 2025 yil 30 yanvardagi PF-17-son Farmoni ijrosini ta’minlash, shuningdek, hududlarda aholi uchun zarur infratuzilmani yaxshilash maqsadida “Infratuzilma va ijtimoiy barqarorlik” jamg‘armasi mablag‘laridan samarali foydalanish bo‘yicha Xalq deputatlari tuman Kengashining tegishli qarori qabul qilingan.

Mazkur qarorda tumandagi aholi iste’molchilarining elektr energiyasi ta’minotini yaxshilash, elektr tarmoqlarining barqaror ishlashini ta’minlash maqsadida 10 dona 160 kVA quvvatdagi transformator punktlari hamda 200 dona beton elektr ustunlarini xarid qilish va o‘rnatish belgilangan.

Qaror ijrosini ta’minlash holati Xalq deputatlari Qumqo‘rg‘on tuman Kengashi raisi O‘.Xoshimov tomonidan nazorat tartibida o‘rganildi.

O‘rganishlar davomida belgilangan 10 dona 160 kVA quvvatdagi transformator punktlari va 200 dona beton elektr ustunlari hududga olib kelingani hamda tasdiqlangan reja asosida ularni o‘rnatish ishlari amalga oshirilayotgani aniqlandi.

🔹 Mazkur ishlar aholi xonadonlarini elektr energiyasi bilan barqaror ta’minlash, mavjud tarmoqlardagi yuklamani kamaytirish hamda elektr ta’minoti sifatini yanada yaxshilashga xizmat qiladi.

Xalq deputatlari tuman Kengashi tomonidan qabul qilingan qarorlar ijrosi ustidan deputatlik nazoratini kuchaytirish, belgilangan vazifalarning o‘z vaqtida va sifatli bajarilishini ta’minlash borasidagi ishlar davom ettiriladi.