Aholining osoyishtaligi va salomatligini ta’minlashda shovqin darajasini me’yorlashtirish muhim ahamiyatga ega. Shovqinning me’yoridan ortiq bo‘lishi insonlarning dam olishi, mehnat qilishi va sog‘lig‘iga salbiy ta’sir ko‘rsatishi mumkin.
➡️Shu nuqtayi nazardan, aholini shovqinning salbiy ta’siridan himoya qilishga qaratilgan qonun talablarining belgilanishi o‘z vaqtida amalga oshirilgan muhim qadamdir. Shovqin talablarini buzganlik uchun jarimalarning belgilanishi esa fuqarolar va tadbirkorlarni qonun talablariga rioya etishga undaydi.
➡️Deputat sifatida aholining tinchligi va osoyishtaligini ta’minlashga qaratilgan bunday huquqiy choralarni qo‘llab-quvvatlayman. Eng muhimi, qonun talablari faqat jarima bilan emas, balki huquqiy madaniyat va o‘zaro hurmat orqali ham ta’minlanishi lozim.

Umid Ro‘ziyev,
Xalq deputatlari Jondor tumani Kengashi deputati,