O‘rganish jarayonida laboratoriyada sanitariya-epidemiologik tekshiruv va tahlillarni amalga oshirish, aholi salomatligiga ta’sir ko‘rsatishi mumkin bo‘lgan omillarni aniqlash hamda ularning oldini olish borasida olib borilayotgan ishlarga alohida e’tibor qaratildi.

Shuningdek, laboratoriyaning moddiy-texnik bazasi, mavjud laboratoriya jihozlaridan samarali foydalanish, tahlil va tekshiruvlarni belgilangan talablar asosida tashkil etish, namuna olish va ularni tekshirish jarayonlari o‘rganildi.

Mas’ul xodimlar bilan muloqot davomida sanitariya-epidemiologik osoyishtalikni ta’minlash, aholi o‘rtasida turli kasalliklarning oldini olish, laboratoriya tekshiruvlarining sifat va samaradorligini oshirish masalalari muhokama qilindi.

O‘rganish yakuni bo‘yicha qonunchilik talablariga qat’iy rioya qilish, laboratoriya faoliyatini yanada takomillashtirish hamda aholi salomatligini muhofaza qilishga qaratilgan profilaktik chora-tadbirlarni kuchaytirish yuzasidan tegishli tavsiyalar berildi.

Sifatli laboratoriya nazorati — sanitariya-epidemiologik osoyishtalik va jamoat salomatligini ta’minlashning muhim omillaridan biridir.