#deputat_so‘rovi #ijobiy_natijasi

🚦 Deputatlik so‘rovi ijobiy natijasi

Xalq deputatlari Angor tumani Kengashi 18-Yangi turmush saylov okrugi deputati S.A. Yuldosheva tomonidan fuqarolar murojaatlari va hududdagi mavjud muammolarni o‘rganish davomida At-Termiziy ko‘chasidagi piyodalar o‘tish joyida o‘rnatilgan svetaforning ishlamayotgani aniqlangan.

Mazkur masala yuzasidan deputat tomonidan Angor tuman yo‘llardan foydalanish korxonasi davlat muassasasiga deputatlik so‘rovi yuborilgan edi.

Deputatlik so‘roviga ko‘ra, murojaatda ko‘rsatilgan svetafor tegishli mutaxassislar tomonidan o‘rganilib, Angor tuman yo‘llardan foydalanish korxonasi tomonidan ta’mirlandi.

Natijada, ayni vaqtda mazkur svetafor to‘liq soz holatga keltirilib, o‘z faoliyatini tikladi.Ushbu holat deputatlik nazoratining amaliy natijasi sifatida fuqarolar murojaatlarini o‘z vaqtida o‘rganish va mavjud muammolarga manzilli yechim topish muhimligini yana bir bor ko‘rsatadi.

Fuqarolar murojaati — deputat e’tiborida, muammo — amaliy yechimda!