Aholi farovonligi, ularning yashash sharoitlarini yaxshilash va hududlardagi kommunal muammolarni o‘z vaqtida hal etish — xalq vakillarining doimiy e’tiborida.
Shahar Kengashining xaftalik rejasiga asosan Olmaliq shahar Kengashi deputati Muhiddin Abdullayev "Oltin" mahallasi xonadonlariga xizmat ko‘rsatuvchi "Baraka hayot-premium" BSK faoliyati va hududning umumiy ahvolini atroflicha ko‘zdan kechirdi.

🔍 O‘rganish jarayonida:
Mahalla hududidagi bolalar maydonchalari va sport maydonlarining xavfsizligi hamda sozligi ko‘zdan kechirildi;
Ko‘p qavatli uylarning umumiy holati, texnik infratuzilmasi va BSK tomonidan ko‘rsatilayotgan xizmatlar sifati baholandi.

Natijalarga ko‘ra, hududdagi umumiy holat va obodonlashtirish ishlari ijobiy baholandi. Shu bilan birga, fuqarolarga qulaylik yaratish maqsadida aniqlangan ayrim kommunal masalalar va kichik kamchiliklar deputatning "Ko‘chama-ko‘cha yurish jurnali"ga kiritilib, shaxsiy ijro nazoratiga olindi.

Aholi murojaatlari va hududiy muammolarni bartaraf etish bo‘yicha tegishli tashkilotlar bilan hamkorlikda tezkor choralar ko‘riladi.