Jonajon O‘zbekistonimiz o‘zining tarixiy va shonli sanasi – Mustaqillikning 35 yilligini katta yutuqlar va bunyodkorlik ishlari bilan kutib olmoqda. Davlatimiz rahbari tomonidan tadbirkorlikni qo‘llab-quvvatlash, yangi ish o‘rinlari yaratish va hududlarni kompleks rivojlantirish borasida olib borilayotgan islohotlar poytaxtimizning eng yosh hududlaridan biri bo‘lgan Yangihayot tumanida o‘zining yorqin ifodasini topmoqda. Tashkil topganiga endigina 6 yil bo‘lganiga qaramay, tuman qisqa vaqt ichida yirik sanoat korxonalari, innovatsion loyihalar va zamonaviy infratuzilmaga ega bo‘lgan yirik iqtisodiy markazga aylanib ulgurdi.O‘zLiDePning asosiy elektorati bo‘lgan tadbirkorlar va mulkdorlar qatlamining kengayishi tumandagi iqtisodiy o‘sishning asosiy drayveri bo‘lib xizmat qilmoqda. Buning eng yorqin misoli sifatida tumandagi hududida barpo etilgan "JAC Motors Toshkent" mas’uliyati cheklangan jamiyati shaklidagi qo‘shma korxonasini keltirish mumkin. Ushbu ulkan loyiha doirasida amalga oshirilgan ishlar va yaratilgan imkoniyatlar quyidagilardan iborat:
·         Korxonada “JAC” brendi ostida yengil tijoriy avtomobillar hamda elektromobillar ishlab chiqarish yo‘lga qo‘yildi.
·         Loyiha ta’sischilari sifatida Xitoyning “JAC MOTORS INTERNATIONAL TRADING CO., LTD” kompaniyasi 51 foiz va “TOSHKENT INVEST KOMPANIYASI” AJ 49 foiz ulush bilan ishtirok etmoqda.
·         Korxonaning umumiy hududi 30,86 gektarni tashkil etib, loyihaning birinchi bosqichida 5 gektar maydonda qurilish ishlari olib borildi.
·         Loyihaning umumiy qiymati 128 million dollarni tashkil etadi va bu mablag‘ning barchasi xorijiy investitsiyalar hisobiga to‘g‘ri keladi.
·         Ushbu zavodning to‘liq ishga tushirilishi orqali yiliga 135 million AQSh dollari qiymatidagi 50 000 dona tijoriy avtomobillar ishlab chiqarish quvvati yaratildi.
·         Aholi bandligini ta’minlash maqsadida korxonada 1000 tadan 2100 tagacha yangi ish o‘rinlari yaratilishi belgilangan.
·         Ishlab chiqarishda mahalliylashtirish darajasi 60 foizni tashkil etadi.
·         Korxona faoliyati orqali yillik budjetga 64,8 milliard so‘m tushum tushishi va loyiha o‘zini 5 yil ichida qoplashi rejalashtirilgan.
Yangihayot tumanida nafaqat yirik sanoat, balki kichik biznes va xizmat ko‘rsatish sohalarida ham keng ko‘lamli tahliliy ko‘rsatkichlar qayd etildi. 2026 yilning 2-chorak yakunlariga ko‘ra tumanda bajarilgan ishlar buning yaqqol dalilidir:
·         Sanoat mahsulotlari ishlab chiqarish hajmi 8,2 trillion so‘mni tashkil etib, o‘sish sur’ati 109,3 foizga yetdi.
·         Xizmatlar ko‘rsatish hajmi 3,7 trillion so‘mni tashkil qilib, 119,3 foizlik o‘sishga erishildi.
·         Tadbirkorlik dasturlari doirasida mahallalarda 90 ta mikroloyihalar ishga tushirildi va tadbirkorlarga 15,0 milliard so‘m kredit ajratildi.
Aholining turmush farovonligini oshirish, ishsizlikni kamaytirish va infratuzilmani yaxshilash borasida ham muhim qadamlar tashlandi:
·         Tumanda 7 967 taga yaqin yashirin ish o‘rinlari legallashtirildi.
·         5 156 nafar aholining bandligi ta’minlandi va ishsizlik darajasi 4,1 foizga tushirildi.
·         Aholini uy-joy bilan ta’minlash dasturi doirasida 556 xonadonli turar joylar qurildi va 55 ta ko‘p kvartirali uylar ta’mirlandi.
·         Tumanda "Magic Safari" hayvonot bog‘i, "Flowers Garden" bog‘i va 24/7 ko‘chasi kabi yangi ko‘ngilochar manzillar ishga tushirildi.
·         Sayyohlik infratuzilmasining rivojlanishi natijasida turistlar soni 125,6 ming nafarga, turzim eksporti esa 22,6 million dollarga yetkazildi.
Xulosa qilib aytganda, Yangihayot tumanida o‘tgan 6 yil mobaynida amalga oshirilgan bunyodkorlik va iqtisodiy islohotlar O‘zbekiston Respublikasi mustaqilligining 35 yilligiga munosib tuhfa bo‘lmoqda.
Xalq deputatlari Yangihayot tumani Kengashi
deputati Х.Dadadbaev

👀Bizni kuzatishni davom eting! 👇👇👇