#Deputat_sorovi

Deputat so'rovi yuborildi

Xalq deputatlari tuman Kengashiga 11-Sariq saylov okrugidan saylangan deputat Ch.Alimov tomonidan “Yangi turmush” mahallasida “Ayollar daftari”ning 4-toifasida turuvchi 12 nafar fuqaroga patronaj hamshirasi tomonidan tibbiy xizmatlar ko‘rsatilishi holati yuzasidan Qiziriq tumani tibbiyot birlashmasi boshlig‘i A.Sobirov nomiga deputatlik so‘rovi yuborildi.

Deputatlik so‘rovida mazkur fuqarolarga tibbiy ko‘rik va patronaj xizmatlari to‘liq ko‘rsatilmayotgani, shuningdek, mahalla yettiligi tomonidan tuman tibbiyot birlashmasiga yuborilgan murojaat va xatlarning ko‘rib chiqilishi holati yuzasidan asoslantirilgan axborot berish hamda aniqlangan kamchiliklarni bartaraf etish so‘ralgan.

Shuningdek, deputatlik so‘rovi orqali “Ayollar daftari”da turuvchi fuqarolarga zarur tibbiy xizmatlarni muntazam ko‘rsatish, mahalla yettiligi tomonidan yuborilayotgan murojaatlarni o‘z vaqtida ko‘rib chiqish va ular yuzasidan amaliy choralar ko‘rish masalalariga alohida e’tibor qaratilgan.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram