#deputat_faoliyati
#kotibiyat_xodimi_faoliyati
#deputat_okrugida
#murojaatlar_daftari

Imtiyozli kredit asosida bandligi ta’minlangan fuqaro faoliyati o‘rganildi

Xalq deputatlari tuman Kengashiga 11-Sariq saylov okrugidan saylangan deputat Ch.Alimov hamda tuman Kengashi kotibiyati bosh mutaxassisi J.Donayev deputatning saylov okrugi hududidagi “Do‘stlik” mahallasida bo‘lib, mahalla hokim yordamchisi ko‘magida imtiyozli kredit ajratilib, bandligi ta’minlangan fuqaroning faoliyati bilan tanishdilar.

O‘rganish davomida fuqaro tomonidan ajratilgan imtiyozli kredit mablag‘lari hisobidan avtomobil ta’mirlash ustaxonasi tashkil etilgani, zarur asbob-uskunalar xarid qilingani hamda bugungi kunda tadbirkorlik faoliyati samarali yo‘lga qo‘yilgani qayd etildi.

Shuningdek, fuqaroning tadbirkorlik faoliyatini yanada rivojlantirish, mavjud imkoniyatlardan samarali foydalanish va faoliyatini kengaytirish yuzasidan fikr va takliflari tinglanib, deputat murojaatlar daftariga qayd etdi. Tadbirkorlik faoliyatini yanada kengaytirish uchun deputatlik vakolati doirasida amaliy yordam berilishi rejalashtirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram