#kunlik_ish_reja_ijrosi
#deputat_faoliyati
#kotibiyat_xodimi_faoliyati
#162_ta_Qonunlar_ijrosi
#24_ta_tavsiyalar_ijrosi

Bandixon tumanida deputatlik nazorati: "Obod yurt" mahallasida ijtimoiy va infratuzilmaviy muammolar o‘rganildi

Bandixon tumanida aholi turmush sharoitini yaxshilash, hududiy infratuzilmani modernizatsiya qilish va fuqarolarni qiynayotgan ijtimoiy masalalarga tezkor va ijobiy yechim topish borasida deputatlik nazorati izchil amalga oshirilmoqda.

Xalq deputatlari Bandixon tumani Kengashiga 12-Obod yurt saylov okrugidan saylangan deputat N.Allamuratovaga biriktirilgan tuman Kengashi bosh mutaxassisi E.Eshonqulov "Obod yurt" mahallasida bo‘lib, nazorat-tahlil va o‘rganish ishlarini olib bordi.

O‘rganishlar davomida mahallaning ichki yo‘llari holati, elektr va ichimlik suvi ta’minoti, obodonlashtirish hamda ijtimoiy muhit atroflicha tahlil qilindi. Muloqotlar davomida fuqarolar va mahalla faollari tomonidan bildirilgan murojaat va takliflar qayd etildi.

Tashrif yakunida aniqlangan muammolarni mutasaddi idora va tashkilotlar bilan hamkorlikda hal etish hamda qat'iy ijro intizomini ta’minlash maqsadida tegishli idoralar rahbarlari nomiga deputatlik so‘rovlari yuborilishi belgilandi.