Xalq deputatlari Parkent tumani Kengashiga 4-Bo‘ston saylov okrugidan saylangan deputat Usipxodjayev Yerlan Ormanovich tomonidan o‘zi saylangan hudud — "Bo‘ston" mahallasida hokim yordamchisining faoliyati deputatlik nazorati tartibida o‘rganildi.Nazorat tadbiri davomida hokim yordamchisi A.Ashurov tomonidan aholini kambag‘allikdan chiqarish, bandligini ta’minlash hamda oilaviy tadbirkorlikni rivojlantirish yo‘nalishlarida amalga oshirilayotgan ishlar ko‘rib chiqildi.O‘rganishlar natijasida 10 nafar fuqaro doimiy ish bilan ta’minlangani, shuningdek, yil boshidan buyon 32 nafar fuqaroga tadbirkorlik faoliyatini yo‘lga qo‘yish va rivojlantirish maqsadida imtiyozli kreditlar ajratilgani ma’lum bo‘ldi. Kredit oluvchilarning 10 nafari xotin-qizlarni tashkil etishi alohida qayd etildi.Nazorat yakunida aniqlangan muammolarni bosqichma-bosqich bartaraf etish, ijtimoiy himoyaga muhtoj oilalarni qo‘llab-quvvatlash hamda hokim yordamchisi faoliyati samaradorligini yanada oshirish yuzasidan tegishli tavsiyalar berildi.