"Mahalla yettiligi" faoliyati tahlil qilindi

🇺🇿 Xalq deputatlari Uchtepa tumani Kengashiga Oʻzbekiston “Adolat” SDPdan saylangan “6-Xondamir” okrugi deputati Azizov Kamolitdin Tulyaganovich tomonidan Ibrat mahallasida "mahalla yettiligi" faoliyatini o‘rganish yuzasidan navbatdagi uchrashuv o‘tkazildi.

📁 O‘rganish Oʻzbekiston Respublikasi Prezidentining "Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida"gi Farmoni hamda Xalq deputatlari Uchtepa tumani Kengashi deputatlarining eng muhim 24 ta yo‘nalishi ijrosi doirasida tashkil etildi.
Uchrashuv davomida mahallada 465 ta xonadon va 4 050 nafar aholi istiqomat qilayotgani, 15 nafar fuqaro ijtimoiy reyestrga, 149 nafar xotin-qiz "Ayollar daftari"ga kiritilgani qayd etildi.

📊 Shuningdek, yoshlar yetakchisi, hokim yordamchisi, xotin-qizlar faoli hamda ijtimoiy xodim tomonidan aholi bandligini ta’minlash, kambag‘allikni qisqartirish, ehtiyojmand oilalarni qo‘llab-quvvatlash, ijtimoiy nafaqalar va moddiy yordamlarni manzilli yetkazish borasida amalga oshirilayotgan ishlar tanqidiy-tahliliy muhokama qilindi.

💼 O‘rganishda xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Zarnigor Kuziyeva hamda “6-Xondamir” saylov okrugi deputati Kamolitdin Azizov ishtirok etdi.

📝 Yakunda "mahalla yettiligi" faoliyati samaradorligini yanada oshirish, fuqarolar murojaatlariga tezkor yechim topish va ijtimoiy himoyaga muhtoj aholini qo‘llab-quvvatlash bo‘yicha tegishli vazifalar belgilandi.