Xalq deputatlari Toyloq tuman Kengashi kotibiyati mudiri B.Xamrayev hamda tuman Kengashi deputati Sh.Ortiqov ishtirokida “Zarbdor tajribasi” asosida amalga oshirilayotgan istiqbolli loyihalar bilan tanishildi.
Mazkur tashabbus hudud iqtisodiyotini yanada rivojlantirish, yangi ish o‘rinlari yaratish hamda aholi farovonligini oshirishga xizmat qilishi bilan ahamiyatlidir. Loyihaning 2026-yil birinchi bosqichi doirasida 4 milliard 260 million so‘mlik ishlarni amalga oshirish rejalashtirilgan bo‘lib, xizmat ko‘rsatish yo‘nalishida muhim infratuzilma obyektlari barpo etiladi.
Loyiha to‘liq ishga tushirilgach, 50 ta yangi doimiy ish o‘rni yaratilishi, budjetga qo‘shimcha 300 million so‘m tushum kelib tushishi kutilmoqda.
Shuningdek, “Ilmobod” mahallasidagi o‘rmon xo‘jaligi balansidagi 9,12 gektar yer maydonida ekoturizm yo‘nalishida keng ko‘lamli ishlar boshlandi. Hududda tabiat qo‘ynida zamonaviy dam olish maskani tashkil etilib, savdo va xizmat ko‘rsatish sohalarida yangi imkoniyatlar yaratiladi. Natijada 35 ta yangi tadbirkorlik subyekti faoliyati yo‘lga qo‘yilishi rejalashtirilgan.
Ayni paytda loyiha doirasida infratuzilmani yaxshilash ishlari izchil olib borilmoqda. Jumladan, yo‘llarni asfaltlash, piyodalar yo‘laklari qurish, ichimlik va oqova suv tarmoqlarini tortish, elektr ta’minotini yaxshilash hamda hududni obodonlashtirish ishlari amalga oshirilmoqda.
Mutasaddilar tomonidan ta’kidlanganidek, loyiha joriy yilning iyul oyida foydalanishga topshirilishi rejalashtirilgan bo‘lib, ushbu tashabbus Toyloq tumanining turizm salohiyatini oshirish, xizmat ko‘rsatish sifatini yaxshilash va hududning ijtimoiy-iqtisodiy rivojiga yangi sur’at bag‘ishlashga xizmat qiladi.
✅Bizni kuzatib boring:👇
|📲 Telegram | 💻Facebook