🇺🇿 Oliy Majlis Senati tashabbusi bilan seminar tashkil etildi

✅Bugun, 2026-yil 30-iyun kuni Oʻzbekiston Respublikasi Oliy Majlisi Senati Devoni Hududiy vakillik organlari faoliyatini oʻrganish markazi tomonidan “Xalq deputatlari mahalliy Kengashlari tomonidan aholi murojaatlarini koʻrib chiqish hamda sessiyalarda davlat organlari va tashkilotlari rahbarlarining murojaatlar bilan ishlash boʻyicha hisobot (axborot)larini eshitilishini samarali tashkil qilish” mavzusida respublika seminari oʻtkazildi.

🌀Seminar videokonferensaloqa (ZOOM) orqali tashkil etilib, unda xalq deputatlari tuman Kengashlari raislari, doimiy komissiyalar raislari, kotibiyat mudirlari hamda xodimlari ishtirok etdi.

✍️Mazkur seminar davomida aholi murojaatlarini qonunchilik talablariga muvofiq samarali ko‘rib chiqish, murojaatlar bilan ishlash tizimini takomillashtirish, shuningdek, mahalliy Kengashlar sessiyalarida davlat organlari va tashkilotlari rahbarlarining hisobotlarini eshitish amaliyotini yanada samarali tashkil etish yuzasidan tavsiyalar va amaliy ko‘rsatmalar berildi.