Tadbirda shahrimizda uzoq yillar samarali mehnat qilib kelayotgan faxriy jurnalistlar hamda ommaviy axborot vositalari sohasida faoliyat yuritayotgan xodimlar kasb bayrami bilan samimiy qutlandi.

So‘zga chiqqanlar jurnalist va OAV xodimlarining jamiyat hayotida ochiqlik va shaffoflikni ta’minlash, aholiga tezkor va xolis axborot yetkazish, davlat organlari bilan jamoatchilik o‘rtasidagi samarali muloqotni yo‘lga qo‘yishdagi munosib hissasini alohida e’tirof etdilar.

Bayram munosabati bilan faxriy jurnalistlar hamda sohada fidokorona mehnat qilayotgan ommaviy axborot vositalari vakillariga Xalq deputatlari Marg‘ilon shahar Kengashining Tashakkurnomasi hamda esdalik sovg‘alari topshirildi.

Tadbir yakunida soha vakillariga mustahkam sog‘lik, ijodiy yutuqlar, kasbiy faoliyatlarida ulkan muvaffaqiyatlar hamda yurt ravnaqi yo‘lidagi ezgu faoliyatlariga omad tilandi.