Xalq deputatlari Pastdarg‘om tuman Kengashining Mahalliy budjet, tadbirkorlikni rivojlantirish va iqtisodiy masalalar bo‘yicha doimiy komissiyasi yig‘ilishi bo‘lib o‘tdi.
Yig‘ilishda O‘zbekiston Respublikasining “Aholi bandligi to‘g‘risida”gi Qonuni ijrosi yuzasidan tumandagi tashkilotlarni o‘rganish bo‘yicha savolnoma loyihasi muhokama qilindi.
Shuningdek, qonun ijrosini joylarda o‘rganish, bandlik bilan bog‘liq muammolarni aniqlash hamda tashkilotlarda mehnat munosabatlari holatini tahlil qilish maqsadida ishchi guruh tarkibi tasdiqlandi.
Yig‘ilish davomida deputatlar tomonidan bandlikni ta’minlash, norasmiy bandlikning oldini olish, ijtimoiy ehtiyojmand fuqarolarni ish bilan ta’minlash masalalariga alohida e’tibor qaratildi.