Xalq deputatlari Surxondaryo viloyat Kengashi deputati Sobirov Eshqobil, xalq deputatlari tuman Kengashi kotibiyati mudiri Sherboyev Dilmurod hamda tuman Kengashi kotibiyati bosh mutaxassisi B.Xoliqovlar tomonidan tumandagi "Do‘stlik" mahallasida "Deputat va Mahalla yettiligi hamkorligi" doirasida yettilik faoliyatini o‘rganish maqsadida nazorat-tahlil tadbiri tashkil etildi.

O‘rganishda mahalliy Kengash deputatlari faoliyati uchun belgilangan “24 ta eng muhim yo‘nalish” doirasida tashkil etilib, quyidagi xodimlar faoliyatiga alohida e’tibor qaratildi:

Hokim yordamchisi: Mahallada tadbirkorlikni rivojlantirish, aholi bandligini ta’minlash va "Kambag‘allikdan farovonlik sari" dasturi doirasida amalga oshirilgan ishlar;

Xotin-qizlar faoli: Ayollarni ijtimoiy qo‘llab-quvvatlash, oilaviy ajrimlarning oldini olish va xotin-qizlar bandligini oshirish bo‘yicha ko‘rilgan choralar;

Ijtimoiy hodim: Ijtimoiy reyestrdagi va nogironligi bo‘lgan fuqarolarga ko‘rsatilayotgan yordamlar bo‘yicha amalga oshirilgan ishlar;

Shuningdek, deputatlar tomonidan mahalla yettiligi bilan aholini doimiy qiynab kelayotgan muammolar muhokama qilinib, yechimini qilish yuzasidan choralar belgilab olindi.