Dasturlar ijrosi deputat nazoratida

Xalq deputatlari Paxtachi tumani Kengashining 7-Oqtepa saylov okrugidan saylangan deputat Begimov Ulug‘bek Najimovich tomonidan hududlarda amalga oshirilayotgan investitsiya loyihalari ijrosi o‘rganildi.

Mazkur o‘rganishlar Investitsiyalarni jalb qilish, sanoatni rivojlantirish va savdoni tartibga solish masalalari bo‘yicha Hukumat komissiyasining hududiy investitsiya dasturi doirasida 2026-yilda amalga oshiriladigan investitsiya loyihalarini tasdiqlash to‘g‘risidagi 323-sonli bayoni ijrosi yuzasidan olib borildi.

O‘rganish jarayonida loyihalarning amalga oshirilish holati, belgilangan muddatlarga rioya etilishi hamda ularning hudud ijtimoiy-iqtisodiy rivojiga ta’siri atroflicha tahlil qilindi.

Mazkur nazorat tadbirlari hududlarda investitsiya muhitini yaxshilash, yangi ish o‘rinlari yaratish hamda iqtisodiy rivojlanishni ta’minlashga xizmat qiladi.