“Ishonch” mahallasida o‘rganish ishlari olib borildi

Xalq deputatlari Navoiy shahar Kengashi deputati Mirzayev Javoxir Fazliddin o‘g‘li tomonidan “Ishonch” mahallasida fuqarolardan kelib tushgan murojaat va takliflar asosida o‘rganish ishlari amalga oshirildi. Mazkur o‘rganishlar 24 ta tavsiya doirasida tashkil etilib, hududdagi dolzarb muammolarni aniqlash va ularni bartaraf etishga qaratildi.

O‘rganish jarayonida mahalla infratuzilmasi, ichki yo‘llarning holati, ichimlik suvi ta’minoti, elektr energiyasi sifati hamda obodonlashtirish masalalari atroflicha ko‘rib chiqildi. Shuningdek, aholi bilan bevosita muloqot o‘rnatilib, ularning kundalik hayotida uchrayotgan muammolar tinglandi.

Aniqlangan kamchiliklar yuzasidan tegishli mutasaddi tashkilotlar ishtirokida muhokamalar o‘tkazilib, ularni bartaraf etish bo‘yicha aniq chora-tadbirlar belgilandi. Ayrim masalalar joyida hal etilgan bo‘lsa, qo‘shimcha vaqt va resurs talab qiladigan muammolar bo‘yicha tegishli tashkilotlarga so‘rovlar yuborildi.

Deputat tomonidan ilgari surilgan takliflar orasida mahalla hududidagi yo‘llarni ta’mirlash, ichimlik suvi tizimini yaxshilash, ko‘cha yoritgichlarini yangilash hamda aholi uchun qulay shart-sharoitlar yaratishga qaratilgan tashabbuslar muhim o‘rin egalladi.

“Ishonch” mahallasida olib borilgan bunday o‘rganish ishlari fuqarolarning murojaatlarini o‘z vaqtida ko‘rib chiqish, ularning muammolariga yechim topish hamda hududni yanada obod va farovon qilishga xizmat qilmoqda. Deputat tomonidan bu kabi ishlar izchil davom ettirilishi ta’kidlandi.