Jinoyatchilik va huquqbuzarliklarni oldini olishga barcha birdek masʼul 

Xalq deputatlari Oltiariq tuman Kengashining 2026-yil 5-fevral kuni oʻtkazilgan sessiyasida Oltiariq tumanida jinoyatchilikni oldini olish masalasi koʻrib chiqilib, tegishli tuman Kengashi qarorlar qabul qilingan edi. Tuman Kengashi deputatlari A.Yursunov, A.Ergashev va R.Xolboboyevlar qizil
toifaga kiritilgan Sharq MFYda huquqbuzarlik va jinoyatchilikni jilovlash borasida amalga oshirilayotgan ishlarni oʻrganishdi. Oʻrganish jarayonida Sharq MFYda 11 ta koʻchaga 34 ta kuzatuv kameralari oʻrnatilganligi va MFY binosida bir joydan nazorat qilish tizimi joriy etilganligi, MFYga ikki nafar profilaktika inspektorlari B.Azimov va D.Abdullayevlar biriktirilganligi va boshqa bir qator samarali ishlar amalga oshirilganligi maʼlum boʻldi. Masʼullar tomonidan tezkor amalga oshirilgan ishlar natijasida samarali natijaga erishilganligi eʼtirof etildi.