#Deputat_tashabbusi #Deputatlikguruhi_faoliyati

Xalq deputatlari Andijon shahar Kengashidagi O‘zXDP deputatlik guruhi rahbari M. Jalolov tashabbusi bilan “O‘zbekiston – 2030” strategiyasi doirasida Andijon viloyati tarixi va madaniyati davlat muzeyida “Madaniy yodgorliklarni asrash va yoshlarga yetkazish barchamizning burchimizdir!” mavzusida maʼnaviy-maʼrifiy tadbir tashkil etildi.

Tadbirda ijtimoiy sohada mehnat qilayotgan madaniyat va sanʼat xodimlari, maʼnaviy-maʼrifiy soha vakillari, tarixchi olimlar hamda keng jamoatchilik ishtirok etdi. Unda ulkan tariximiz va boy madaniy merosimizni o‘sib kelayotgan yosh avlodga asrab-avaylab, to‘liq va mukammal holda yetkazish muhim ekani alohida taʼkidlandi.

Shuningdek, muzeyning ijtimoiy va jamoat tashkilotlari bilan hamkorligini kuchaytirish, aholi va sayyohlar faolligini oshirish, boshlang‘ich partiya tashkiloti aʼzolari soni va aʼzolik badallarini ko‘paytirish bo‘yicha qator taklif va mulohazalar bildirildi.

Mazkur tadbir yoshlarda tarixiy xotira, milliy qadriyatlar va madaniy merosga hurmat tuyg‘usini yana-da mustahkamlashga xizmat qildi.