📌 Xalq deputatlari Samarqand shahar Kengashi deputatlari tomonidan o‘rganish ishlari

✔️ Xalq deputatlari Samarqand shahar Kengashi deputatlari shahardagi oliy ta’lim muassasalari talabalar turar joylarida yaratilgan sharoitlarni o‘rganish maqsadida ish olib bordi.

✔️ Xususan, Samarqand shahar Kengashi deputatlari B. Rahmonov, O. Pardaev va F. G‘aybullayev ayrim yotoqxonalarga tashrif buyurib, talabalar uchun yaratilgan yashash, o‘qish va dam olish sharoitlari bilan yaqindan tanishdilar. Uchrashuv davomida xonalar holati, ovqatlanish maskanlari, sport maydonlari va ma’naviy-ma’rifiy muhit ko‘zdan kechirildi.

✔️ Deputatlar talabalar bilan samimiy muloqotlar o‘tkazib, ularning kundalik turmushi, mavjud muammolari, taklif va istaklarini tingladilar. Bunday ochiq muloqotlar talabalarni qo‘llab-quvvatlash, ta’lim va dam olish sharoitlarini yaxshilashga xizmat qiladi.

✔️ Shuningdek, suhbatlar jarayonida O‘zbekiston Respublikasi Prezidenti Shavkat Mirziyoyevning 2025-yil 26-dekabrda Oliy Majlis va xalqimizga yo‘llagan Murojaatnomasining mazmuni, belgilangan ustuvor vazifalar va yoshlarga yaratilayotgan imkoniyatlar haqida fikr-mulohazalar bildirildi.

✔️ Tashriflar yakunida talabalar turar joylarida ta’lim va dam olish muhitini yaxshilash, ma’naviy-ma’rifiy ishlar samaradorligini oshirish bo‘yicha tavsiyalar berildi.

✔️ Ma’lumot uchun:

Samarqand davlat chet tillar institutida 3 ta yotoqxona – 684 talaba

Samarqand iqtisodiyot va servis institutida 2 ta yotoqxona – 615 talaba

Samarqand davlat universitetida 9 ta yotoqxona – 2900 talaba

Toshkent davlat iqtisodiyot universiteti Samarqand filialida 2 ta yotoqxona – 580 talaba

Samarqand davlat tibbiyot universitetida 5 ta yotoqxona – 1850 talaba

Samarqand davlat veterinariya meditsinasi, chorvachilik va biotexnologiyalar universitetida 4 ta yotoqxona – 1600 talaba

Samarqand davlat arxitektura-qurilish universitetida 4 ta yotoqxona – 1070 talaba

✔️ Bunday o‘rganishlar talabalar uchun yaratilayotgan shart-sharoitlarni takomillashtirishga xizmat qiladi.