Xalq deputatlari shahar kengashining 2025-yil uchun tasdiqlangan ish rejasi va Xalq deputatlari shahar kengashining 2025-yil 17-oktabr kunidagi “Bekobod shahar Maktabgacha va maktab ta’limi bo‘limi tasarrufidagi ta’lim muassasalarida 2025-2026-o‘quv yili davomida kuz-qish mavsumini betalofat o‘tkazish uchun amalga oshirilgan ishlar to‘g‘risida”gi sessiya qarori ijrosini ta’minlash maqsadida tanlov asosida 10- va 12-sonli umumta’lim maktablarida kuz-qish mavsumiga tayyorgarlik holati o‘rganildi. O‘rganish Xalq deputatlari Toshkent viloyati kengashi deputati Ye.Lyapina, shahar kengashi deputatlari J.Kamolxodjayev, K.Shukurov, X.Ibragimova va U.Abdunazarov tomonidan olib borildi. 10-sonli maktabda 6 ta issiqlik qozonlari mavjud bo‘lib, barchasi soz holatda faoliyatini olib bormoqda. Maktabdagi 35 ta sinf xonalarining barchasida issiqlik harorati talab darajasida. Mahalla yettiligi
tomonidan muntazam ravishda xabar olinib turiladi.

     12-sonli umumta’lim maktabida 11-noyabr holatiga 7 ta issiqlik qozonlaridan 3 tasi soz holatda faoliyatini boshlagan bo‘lib, o‘rganish jarayonida qolgan 4 tasi ham soz holatga keltirilib, issiqlik berilishi boshlandi. Shuningdek, o‘rganish davomida tegishli tavsiya va maslahatlar berildi.