DEPUTAT MAHALLADA: FAYZOBODDA MADANIYAT UYI FAOLIYATI
O‘RGANILDI 

“Deputat mahallada” loyihasi doirasida xalq deputatlari Piskent tuman
Kengashi deputati D.Komilova Fayzobod
mahalla faollari bilan hamkorlikda Do‘ngqo‘rg‘on madaniyat uyi faoliyatini
o‘rgandi. 

Madaniyat uyi rahbari Nasiba Tohirova ushbu lavozimda 5 oydan buyon ish
faoliyatini olib bormoqda. Muassasada jami 9 nafar xodim mehnat qilmoqda.
Hozirda madaniyat uyida “Xonandalik”, “Raqs” va boshqa to‘garaklar faoliyat
ko‘rsatib kelmoqda. 

Shu bilan birga, o‘rganish jarayonida bir qator kamchiliklar aniqlandi.
Jumladan, to‘garak xonalari umuman jihozlanmagani, mahalla va tashkilotlar
bilan hamkorlik ishlari yetarli darajada yo‘lga qo‘yilmagani, faollar zali esa
jihozlanmagani ma’lum bo‘ldi. 

O‘rganish natijasiga ko‘ra, madaniyat uyi xodimlarining ish faoliyati
talab darajasida emasligi qayd etildi.