Xalq deputatlari Olmaliq shahar Kengashi deputati Lenura Baydullayeva hamda O'zbekiston XDP shahar Kengashi bilan hamkorlikda shahardagi "Saxovat" mahalla fuqarolari yig‘inida bo'lib, mahallada faoliyat yuritayotgan mahalla yettiligining olib borayotgan ishlari o‘rganildi.

📝Deputat tomonidan mahallada aholi muammolarini aniqlash, ijtimoiy-ma’naviy muhitni yanada yaxshilash, yoshlar va xotin-qizlar bilan ishlash, bandlikni ta’minlash, shuningdek, mahalla yettiligi a’zolarining o‘zaro hamkorligi, murojaatlar bilan ishlash tizimi va fuqarolar bilan bevosita muloqot masalalari ko'rib chiqildi.  

✅O‘rganish davomida mahallada ijtimoiy himoyaga muhtoj oilalar bo‘yicha olib borilayotgan ishlar, ijtimoiy jamg‘arma mablag‘larida ko‘rsatilayotgan ko‘maklar, notinch oilalar bo‘yicha ko‘rilayotgan choralar hamda tadbirkorlik faoliyatiga qiziquvchi talabgorlarga imtiyozli kreditlar berish bo‘yicha o‘tkazilayotgan tadbirlar muhokama qilindi.