Ijtimoiy xizmatlar sifati — deputat e’tiborida 

Xalq deputatlari
Ohangaron tuman Kengashi deputatlari aholining ijtimoiy himoyaga muhtoj qatlamlarini
qo‘llab-quvvatlash, ularga ko‘rsatilayotgan xizmatlar sifatini oshirish maqsadida
qator o‘rganishlarni amalga oshirishmoqda. Ana shunday o‘rganishlardan biri Xalq
deputatlari tuman Kengashiga 13-Chetsuv saylov okrugidan saylangan deputat Axror
Xalilov tomonidan amalga oshirildi. 

Deputat tuman Kengashi
kotibiyati mutasaddilari bilan birgalikda “Chetsuv” mahalla fuqarolar yig‘inida
bo‘lib, mahalla raisi Safuddin Kushmanov hamda ijtimoiy xodim Ixtiyor Abdusamatov
bilan uchrashdi. Uchrashuv davomida mahallada ijtimoiy xizmatlarni tashkil etish
holati, ayniqsa ehtiyojmand aholi qatlamiga ko‘rsatilayotgan yordamning manzilliligi
va samaradorligi atroflicha tahlil qilindi. 

Ijtimoiy xodim
tomonidan kam ta’minlangan, nogironligi bo‘lgan shaxslar hamda yordamga muhtoj oilalar
bilan ishlash amaliyoti o‘rganilib, ularga ijtimoiy nafaqalar va moddiy yordam tayinlash
hamda to‘lash jarayonlari muhokama qilindi. Mazkur yo‘nalishdagi ishlar shaffofligi,
hujjatlarni rasmiylashtirish tartibi va aholiga axborot yetkazish mexanizmlari yuzasidan
fikr almashildi. 

Shuningdek, ijtimoiy
xizmatlar ko‘rsatishda uchrayotgan ayrim muammolar, jumladan, ehtiyojmand oilalarni
aniqlash, ularni ro‘yxatga olish va o‘z vaqtida qo‘llab-quvvatlash masalalariga
alohida e’tibor qaratildi. Deputat tomonidan mazkur kamchiliklarni bartaraf etish,
xizmatlar sifatini yanada oshirish hamda ijtimoiy himoya tizimini takomillashtirish
bo‘yicha tegishli tavsiyalar berildi. 

O‘rganish yakunida
aholining ijtimoiy himoyaga muhtoj qatlamlarini qo‘llab-quvvatlash borasida tizimli
ishlarni davom ettirish, ijtimoiy xizmatlar samaradorligini oshirish va manzilli
yordam ko‘lamini kengaytirish muhim vazifa sifatida belgilandi.