Bugun, 11-dekabr kuni, Mirobod tumani hokimligida, tuman hokimi va Xalq deputatlari Mirobod tuman Kengash deputatlari ishtirokida tumanda qish mavsumini muammolarsiz, talafotlarsiz o‘tkazish masalalariga bag‘ishlangan yig‘ilish bo‘lib o‘tdi. 

Yig‘ilishda iqtisodiyot tarmoqlari, ijtimoiy soha obyektlari, aholi va ko‘p kvartirali uy-joy fondining energiya resurslariga bo‘lgan ehtiyojini uzluksiz ta’minlab borish bo‘yicha tumanda tashkil etilgan shtablar faoliyati hamda obyektlarning mavsumga tayyorgarlik holati masalalari ko‘rib chiqildi. 

 Dastlab kun tartibidagi masala yuzasidan kommunal xizmatlari rahbarlari hamda ko‘p qavatli uylarga xizmat ko‘rsatuvchi boshqaruv servis kompaniyalari rahbarlarining axborotlari eshitildi. 

Tumanda mavsumni betalofat o‘tkazish maqsadida obyektlarning tayyorgarlik holatini o‘rganish bo‘yicha tumanda kichik ishchi guruhlari tashkil etilgani hamda ko‘p qavatli uylar, ijtimoiy soha va boshqa obyektlar holati o‘rganilayotgani ta’kidlandi. 

Ushbu o‘rganishlarda aniqlangan kamchilik va muammolar tanqidiy tahlil qilindi.