Termiz tumanida “Yashil makon” umummilliy loyihasi doirasida kuzgi ko‘chat ekish ishlari qizg‘in sur’atlarda davom etmoqda

Ayni kunlarda yurtimiz bo‘ylab davlatimiz rahbari tashabbusi bilan tashkil etilgan “Yashil makon” umummilliy loyihasi doirasida kuzgii ko‘chat ekish ishlari qizg‘in olib borilmoqda.

Ko‘chat ekib, bog‘ yaratishdek savobli ishlarida Xalq deputatlari Termiz tuman Kengashi deputatlari, Siyosiy partiyalar hamda “Marvarid” dam olish va sog‘lomlashtirish maskani xodimlari tomonidan olma, o‘rik, olcha va behi kabi 300 tup mevali va 200 tup manzarali daraxt ko‘chatlari ekildi. 

Tumandagi korxona va tashkilotlar va mahallalarda mevali va manzarali daraxt, buta va gul ko‘chatlari ekish ishlari davom etmoqda.