Mahalliy aholi e’tirozlariga sabab bo‘lgan, viloyat hokimining va deputatlarning qabulida ko‘tarilgan muammo Oliy Majlis Qonunchilik palatasi deputati, "Adolat" SDP partiyasi a’zosi Nodira Djanibekovaning deputatlik so‘rovi natijasida tuman hamda viloyat hokimligining hamkorligida bartaraf etiladigan bo‘ldi. Sardoba tumanidagi Ravot, Zomin va Bo‘ston mahallalarini viloyat markazi bilan bog‘lovchi davlat ahamiyatidagi 4R-33 avtomobil yo‘lini (Sardoba suv ombori aylanma yo‘li) ta’mirlash ishlari boshlandi.
Ushbu jarayonga 2 ta maxsus texnika, 10 ga yaqin ishchi-xodimlar va muhandis-texniklar jalb qilingan.