Bugun Boysun tumani hokimligida Oliy Majlis Qonunchilik palatasi deputati Hazratqul Xo‘jamqulov, tuman Kengashi deputatlari, siyosiy partiya raislari ishtirokida Respublika ma’naviyat va ma’rifat tuman bo‘linmasi rahbari Surayyo Gaziyevaning ma’naviy-ma’rifiy ishlarni tizimli tashkil etish, bu borada olib borilayotgan faoliyat хususidagi hisoboti tinglandi.

Mamlakatimizda ma’naviy-ma’rifiy ishlarni tizimli tashkil etish, bu borada amalga oshirilayotgan chora-tadbirlarning samaradorligini oshirish, aholi, ayniqsa, yoshlarning intellektual salohiyati, ongu tafakkuri va dunyoqarashini yuksaltirish, xalqqa muhabbat va sadoqat tuyg‘usi bilan yashaydigan barkamol avlodni tarbiyalashga alohida e’tibor qaratilmoqda.

Ma’naviy-ma’rifiy ishlarning ta’sirchanligini oshirish, davlat va jamoat tashkilotlarining bu boradagi faoliyatiga yaqindan ko‘maklashish maqsadida Respublika ma’naviyat va ma’rifat tuman bo‘linmalarining faoliyati alohida o‘rin kasb etadi.